Stuttlig læring
Vit eita Vitus og Bubu, og vit eru bestu vinir. Vit elska at læra, og saman hava vit gjørt filmar, sangir og annað stuttligt til øll børn í Føroyum. Komið og lærið um tøl og pengar saman við okkum.
Kom og lær saman við okkum
Vit hava gjørt 3 filmar, ið hjálpa tær at skilja pengar og virðið á pengum.
Vitus lærir Bubu um pengar
Her síggja vit Vitus hjálpa Bubu, tá ið hann ikki kundi keypa allar leikurnar í BR. Vitus lærir Bubu, at hann skal hava pengar fyri at kunna keypa, og at pengar kunnu fara í maskinuna og inn á kortið.
Vitus hjálpir Bubu at skilja virðið á pengum.
Vit læra, at 200 krónur í 2-krónum er eins nógv sum í 5, 10 og 20-krónum og enntá eisini í seðlum.
Tá ið pengarnir eru komnir inn á gjaldskortið, er lætt at spara saman til júst tað, ið vit ynskja okkum.
Vitus lærir Bubu um gjaldskort
Vitus hevur hjálpt Bubu við at skilja, hvussu pengar og gjaldskort skulu røkjast.
Tað er umráðandi at vaksin og børn tosa um pengar, og at vaksin vegleiða børnum í, hvussu pengar og gjaldskort skulu røkjast.
- Spar saman - ikki brúka ov nógv
- Títt gjaldskort - eingin annar skal hava tað
- Títt loynital - eingin annar skal vita tað
- Nýt Pengaskápið - fylg við pengunum
Pengaskápið
Við Pengaskápinum fær barnið yvirlit yvir egna samansparing og nýtslu - bara við at hyggja í telefonina.
Snild app til lummapengar
Í dag hava foreldur og vaksin ikki altíð reiðan pening í lummanum, tá ið børn skulu hava pening til eitthvørt, og tí verður peningurin ofta fluttur á kontu hjá børnum í Netbankanum. Við Pengaskápinum sær barnið, hvussu nógvan penging tað eigur at brúka, og um t.d. lummapengar eru komnir á kontuna. Appin er sostatt eitt snilt amboð, sum gevur barninum yvirlit og mennir tilvitið um egin peningaviðurskifti.
Við Pengaskápinum kann barnið fylgja við nýtsluni ella síggja samansparingina vaksa og harvið gerast tilvitað um egin peningalig viðurskifti og skynsamar peningavanar.
Vitus og Bubu minna á endurskin
Bubu og Vitus minna okkum á, at tað er umráðandi at brúka endurskin.
Børn og vaksin eru vælkomin inn á deildir okkara kring landið eftir endurskinum.
Vit síggjast!
Lærukort
Lærukort frá Vitusi gera tað stuttligari og lættari hjá børnum at læra at rokna, falda, skriva, stava og at læra um veður og vind.
Få lærukortini her
Lærukortini eru at fáa í bankanum, og til ber eisini hjá skúlum at fáa lærukortini til børnini. Kortini eru úr pappi, og tey eru gjørd soleiðis, at tey kunnu vera við í skúlataskuni hvønn dag.
Eisini ber til at prenta ymisku lærukortini og tekningarnar niðanfyri út við at trýsta á myndina.
