Frameftir verður ikki neyðugt hjá føroyskum útisetum í Danmark at hava ein danskan peningastovn fyri at kunna brúka MobilePay.

Kontur í føroyskum peningastovnum góðkendar
Føroysku peningastovnarnir hava nú gjørt avtalu við MobilePay, ið ger tað møguligt hjá kundum í føroysku peningastovnunum, ið eru búsitandi í Danmark, at brúka loysnina.

Soleiðis gert tú
Fyri at kunna brúka MobilePay skal appin fyrst takast niður á telefonina, og annars skal vanliga mannagongdin hjá MobilePay fylgjast. Brúkarar mugu hava eitt danskt telefonnummar, danskt cpr.nr. og MitID. Harumframt er neyðugt at hava eina bankakontu og eitt gjaldskort, sum sambært nýggju avtaluni eins væl kunnu vera føroysk sum donsk.