Spar saman til framtíðina
Ert tú foreldur, ynskir tú óivað at geva barni tínum eina so góða byrjan upp á vaksna lívið sum gjørligt. Áðrenn tú varnast tað, er barnið um at gerast vaksið og stendur frammanfyri nýggjum avbjóðingum.
Ein samansparing er ein íløga í framtíðina hjá barninum, og ein munandi samansparing er ein gáva fyri framtíðina og kann t.d. brúkast til útbúgving, fyrsta bústaðin ella okkurt heilt annað.
Merkishendingar í lívinum hjá barninum
Ferming, eftirskúlaár, studentaveitsla o.s.fr. Nógvar eru merkishendingarnar í lívinum hjá barninum, og útreiðslurnar í hesum sambandi kunnu eisini vera rættiliga stórar. Um tú tíðliga byrja at leggja pening til viks til útreiðslurnar í hesum sambandi, ert tú væl fyrireikað/ur til ymisku merkishendingarnar.
Føðingargáva til barnið
Tá ið tú stovnar nýfødda barninum eina samansparing við fastari flyting, fær barnið eina fitta flaggketu frá Steinum.
Spar saman í góðari tíð
Tað er ein fyrimunur at fara í holt við at spara saman til barnið og til merkishendingarnar hjá barninum í góðari tíð. Tess longri pengarnir sleppa at vaksa, tess størri verður samlaða upphæddin. Á tann hátt nýtist tað ikki at gerast so tungt hjá tær fíggjarliga, tá barnið t.d. skal á eftirskúla, ella tá studentaveitslan skal haldast.
